महाराष्ट्रराज्य सरकारची कोरोना निर्बंधविषय नियमावली जाहीर.......!

राज्यात कोरोना रुग्णांची संख्या झपाट्याने वाढत आहे या पार्श्वभूमीवर सरकारने 10 जानेवारीपासून नवी नियमावली जाहीर केली.

● नव्या नियमावलीनुसार राज्यात 10 जानेवारीपासून रात्री 11 ते पहाटे पाच पर्यंत रात्रीची संचारबंदी लागू असेल.

● लेखी आणि स्पष्ट परवानगीशिवाय सरकारी कार्यालयात लोकांना प्रवेश नाही.तसेच खासगी कार्यालयात 50 टक्के उपस्थितीची मर्यादा असेल.

● याकाळात लग्न समारंभासाठी जास्तीत जास्त 50 लोकांची उपस्थिती असेल, तर अंत्यविधीसाठी जास्तीत जास्त 20 लोकांची उपस्थिती असेल.

● सामाजिक, धार्मिक, सांस्कृतिक, राजकीय कार्यक्रमांसाठी जास्तीत जास्त 50 लोकांची उपस्थिती असेल तर स्विमिंग पूल, जीम, स्पा, वेलनेस सेंटर्स आणि ब्यूटी सलून बंद राहतील.

● हेअर कटिंग सलून 50 टक्के उपस्थितीत सुरु राहणार, सलूनमध्ये कामगारांना लसीचे दोन्ही डोस घेणे बंधनकारक आणि सलूनसाठी रात्री 10 पर्यंतच परवानगी असेल.

● मनोरंजन पार्क, प्राणी संग्रहालय, म्युझियम बंद राहतील,तर शॉपिंग मॉल, मार्केट कॉम्प्लेक्स 50 टक्के क्षमतेनं सुरु राहतील,तसेच चित्रपटगृहे, नाट्यगृह सुद्धा 50 टक्के क्षमतेनं सुरु राहतील.

● शाळा, महाविद्यालये 15 फेब्रुवारीपर्यंत बंद राहतील . मात्र 10 वी, 12 वीचे वर्ग सुरु राहतील. शाळेतील प्रशासकीय कामे सुरु राहणार.तसेच तारीख जाहीर झालेल्या सर्व परीक्षा होतील.