दहशतवाद विरोधी पथकाकडून दहशतवाद्यांशी संबंधित तरूणाला पुण्यातून अटक.......!
पुणे NIA न्युज
पुणे दहशतवाद विरोधी पथकाकडून एका तरुणाला अटक करण्यात आली आहे. दहशतवाद्यांशी संबंध असणाऱ्या या तरूणाला पुण्यातील दापोडी परिसरातून अटक करण्यात आली आहे. जुनेद मोहम्मद असं या तरूणाचं नाव असून काश्मीरमधील अतिरेकी संघटनेकडून फंडींग झाल्याचा आरोप त्याच्यावर होता. दरम्यान हा तरूण काश्मीरमधील गझवाते-अल-हिंद या दहशतवादी संघटनेच्या संपर्कात होता असं सांगितलं जातंय. त्याची माहिती मिळाल्यावर पुणे दहशतवादविरोधी पथकाकडून या तरूणाला अटक करण्यात आली आहे. दरम्यान या तरूणाला पुणे न्यायालयात आज दुपारी ३ च्या सुमारास हजर करण्यात येणार आहे.
क्लिक करा आणि वाचा
पोलिसांनी दिलेल्या माहितीनुसार संशयित म्हणून आढळल्यावर काल दुपारपासून सदर तरूणाची चौकशी चालू होती. चौकशीत दोषी आढळून आल्यावर त्याचावर रात्री गुन्हा दाखल करण्यात आला असल्याची माहिती मिळाली आहे. मूळचा बुलढाणा जिल्ह्यातील खामगाव येथील रहिवाशी असलेला जुनेद मागील दीड वर्षांपासून पुण्यात राहत होता. मदरशामध्ये त्याचं शिक्षण झालं असून लष्कर-ए-तोय्यबाशी देखील त्याचे संबंध होते असं चौकशीतून समोर आलं आहे.
0 टिप्पण्या