कल्याण बाजारपेठ पोलीस ठाण्याच्या पथकाने एका पिस्तूल तस्कराला सापळा रचत अटक केलीय. धक्कादायक म्हणजे पोलीस या तस्कराचा पाठलाग करत असताना त्याने पोलिसांना घाबरवण्यासाठी जमिनीच्या दिशेने गोळ्या झाडल्या. मात्र पोलिसांनी जीवाची पर्वा न करता मोठया धाडसाने या तस्कराचा पाठलाग करत त्याला पकडले. सुरज शुक्ला असे या तस्कराचे नाव असून तो मध्यप्रदेश येथे राहणारा आहे. त्याच्याकडून २ पिस्तूले, २ मॅगझीन, १६ काडतुसे जप्त करण्यात आली आहेत. त्याने हे पिस्तूल कोणाला विकण्यासाठी आणले होते?, याआधी किती पिस्तूल विकलेत याचा तपास पोलीस करत आहेत.
कल्याण बाजारपेठ पोलिसाना एक इसम कल्याण पश्चिमेकडील लाल चौकी परिसरात येणार असल्याची माहिती मिळाली होती. या माहितीच्या आधारे बाजारपेठ पोलिसांच्या बाजार पेठ पोलीस ठाण्याचे एपीआय सुजित मुंडे, घोलप, पोलीस नाईक सचिन साळवी, भीमराव बागूल, बाविस्कर, पोलीस हवालदार जातक , अत्तार, भोसले यांच्या पथकाने आज सकाळच्या सुमारास लाल चौकी परिसरात सापळा रचला.
एक इसम संशयास्पद आढळून आल्याने पोलिसांनी त्याला हटकले. मात्र या इसमाला संशय आल्याने त्याने पळून जाण्याचा प्रयत्न केला. पोलिसांनी त्याचा पाठलाग सुरू केला .पोलिसांचा पाठलाग सुरूच असल्याने पोलिसांना घाबरवण्यासाठी या इसमाने आपल्याजवळील पिस्तूलाने जमिनीवर गोळ्या झाडल्या. मात्र पोलिसांनी न घाबरता काही अंतरावर त्याच्यावर झडप घालत त्याला अटक केली.
0 टिप्पण्या