ऊसतोड महिला कामगार,बालकांना जिजाऊ ब्रिगेडचा मदतीचा हात
अकलूज दि.४ (प्रतिनिधी)
जिजाऊ ब्रिगेडच्या माध्यमातून नेहमीच समाज उपयोगी उपक्रम राबविले जात असून त्यातून सामाजिक जबाबदारी जपली जात आहे.तळागाळातील घटकांना न्याय देण्याचा नेहमी प्रयत्न या संघटनेच्या माध्यमातून आम्ही करीत आहोत असे प्रतिपादन जिजाऊ ब्रिगेडच्या तालुकाध्यक्षा मनोरमा लावंड यांनी व्यक्त केले.
मराठा सेवा संघ प्रणित जिजाऊ ब्रिगेड पंढरपूर सोलापूर विभाग अकलूजच्या वतीने आदिवासी भागातील ऊसतोड करणारे लोक महिला व बालक यांना साड्या,कपडे खाऊ व चपला वाटप करण्यात आले.
मराठा सेवा संघ प्रणित जिजाऊ ब्रिगेड पंढरपूर सोलापूर विभाग अकलूजच्या वतीने नेहमीच सामाजिक जबाबदारीचे भान जपत सामाजिक सेवा बजावली आहे.मराठा सेवा संघ प्रणित जिजाऊ ब्रिगेड अकलूज सोलापूर पंढरपूर विभाग यांच्यावतीने आदिवासी भागातील ऊसतोड करायला आलेल्या ऊस तोड मजूर महिलांना व मुलांना जिजाऊ ब्रिगेडच्या माध्यमातून साड्या,लहान मुलांना कपडे, चप्पल,खाऊ वाटप करण्यात आले जिजाऊ ब्रिगेडच्या जिल्हाध्यक्ष श्रीमती सुरजाताई बोबडे व शिवमती मनीषाताई जाधव यांच्या मार्गदर्शनाखाली हा उपक्रम राबवण्यात आला आहे.यावेळी जिजाऊ ब्रिगेडच्या तालुका अध्यक्ष शिवमती मनोरमा लावंड,मनीषा गायकवाड, माळशिरस तालुका उपाध्यक्ष शिवमती शुभांगी क्षीरसागर, अकलूज शहराध्यक्ष शिवमती शारदा चव्हाण,शहर कार्याध्यक्ष शिवमती संगीता जगदाळे, शिवमती सुवर्णा गोरवे,प्रसिद्धी प्रमुख शिवमती वंदना पवार व उषा काजळे यांचे सह जिजाऊ ब्रिगेडच्या सर्व पदाधिकारी उपस्थित होत्या.
0 टिप्पण्या