दिनांक ६ मार्च २०२३
इंदापूर आणि भिगवण शहरांमध्ये नुकत्याच झालेल्या दंडनीय कार्यवाही नंतर देखील शहर व उपनगर भागातील सी.एल 3 (कंट्री लिकर) लायसेन्स धारक आपल्या वरच्या मलाईच्या व्यसनातून मुक्त होण्याचे चिन्ह दिसत नाहीत.
एमआरपी पेक्षा जास्त दराने दारू विक्री करणाऱ्या सी.एल 3 लायसेन्स धारक यांच्यावर नुकतीच केलेली द्रव्य दंडनीय कार्यवाही ची घटना ताजी असताना देखील इंदापूर व भिगवण भागातील सी.एल 3 (कंट्री लिकर) लायसेन्स धारक एम.आर.पी पेक्षा जास्त दराने देशी दारूची विक्री करत आहेत.
राज्य उत्पादन शुल्क खात्याकडे तक्रार करूनही खाते यांच्यावर नियंत्रण करण्यासाठी असमर्थ असल्याचे दिसून येत आहे.सदर परवानाधारकांना जनतेची लूट करण्यासाठी उत्पादन शुल्क खाते का मदत करत आहे कारवाई करायची म्हणून फक्त फाईन कारवाई करणे. काढलेल्या आदेशाचे पालन करून महाराष्ट्र दारूबंदी अधिनियम१९४९ चे कलम १०८ नुसार कारवाई का केली जात नाही. यांच्यावर कारवाई करण्यासाठी पुणे अधीक्षक यांनी परिपत्रक काढूनही फक्त दंडाची कारवाई का केली जाते. हा प्रश्न सर्व ग्राहकांना पडला आहे
सदर प्रकरणी सागर सोनवले(मेजर) यांनी वेळी वेळी आवाज उठवला होता. मागील एक्साईझ विभागाची दंडनीय कार्यवाही देखील त्यांच्या पुढाकारामुळेच झाली होती. परंतु अजूनही "येरे माझ्या मागल्या" या उक्ती प्रमाणे इंदापूर आणि भिगवण शहरातील सी.एल.-3 लायसेन्स धारकांनी वाढीव दराने मद्य विक्री चालूच ठेवली आहे असे दिसून येत आहे.
या प्रकरणी सागर सोनवले यांनी एक्साईज कमिशनर तसेच एक्साईज विभागाचे उच्च अधिकारी, दौंड डिविजन यांच्याशी चर्चा केली असता या संदर्भात लवकरच आक्रमक निर्णय घेऊ व त्यांच्यावर नियंत्रण करून असे आश्वासन उत्पादन शुल्क निरीक्षक पोळ यांनी दिले. आश्वासन देऊनही आज त्यागत विक्रेता हा गरीब लोकांचे दहा दहा रुपये याप्रमाणे लूट करत आहे. लुट करत असताना त्यांना लाजही वाटत नाही की आपण गरिबांचे पैसे कसे लुटावे.
सदर लूट हे केवळ हिमनगाचे टोक असून, महिन्याची वरची मलाई ही करोडोंच्या घरात असल्याने अधिकारी आणि बड्या धेंड्याच्या वरद हस्ताने व्यावसायिक ही लूट थांबवत नसल्याचे मत या वेळी सागर सोनवले यांनी याप्रसंगी मांडले. लवकरच ही लूट थांबवली नाही तर लवकरच कडक कायदे करण्यासाठी आयुक्तांकडे मागणी करण्यात येईल.
0 टिप्पण्या